Company introduction:Оваа 2015 година по многу што е значајна за Würth, како во светот, така и во Македонија.Пред точно 70 години во Германија започнува со своето работење малата семејна фирма од само три вработени. Покрај основачот Адолф Вурт, вториот вработен е неговиот син, Рајнхолд Вурт. Оваа година проф. Рајнхолд Вурт го слави својот 80 роденден.
Третиот јубилеј кој со особено задоволство и чест го споделуваме со Вас е 20 години од постоењето на Würth во Македонија. Во овие изминати седум децении, Würth станува се повеќе составен дел од работењето на професионалците во металната, дрвната и авто индустријата. Ние сме специјализирани во трговијата во сврзувачки и прицврстувачки материјали. Повеќе од 100.000 производи се предмет на нашите високи стандарди за квалитет. Завртки, додатоци, спојници, хемиски производи, производи за дрвната и градежната индустрија, алати, системи за складирање, како и производи за одржување во прехранбена индустрија. Нашата цел е едноставна: со индивидуални услуги, практични системски решенија и широк спектар на производи да ја направиме полесна работата на нашите купувачи. Во Македонија ние поддржуваме над 5.000 купувачи во трговијата, градежништвото и индустријата. И секој индивидуален клиент е во фокусот, ние ќе ги задоволиме со нашиот водечки принцип: секој клиент го има својот Wurth. Со прилагодени решенија и понуди за мал бизнис, сопственикот/работникот се фокусира главно на својата вистинска работа исто како и глобалните индустриски компании. Иновативните решенија постојано се развиваат во директна интеракција со нашите клиенти. Ние се потпираме на микс на директна продажба, продавници и е-бизнис. Околу 20 трговски претставници директно ги опслужуваат нашите клиенти на територијата на Македонија.
